Uste dugu pertsona orok bere osasun-egoeraren gaineko erantzukizuna izan behar duela eta bere osasunari eragin ahal dion informazioa jaso behar duela, okerrera egin aurretik. Horrela eginez gero, aukera izango du erabaki informatuak hartzeko, bere osasuna eta ongizatea zaintzen duten osasun-profesionalekin batera.

Genetikan aurrerapen zientifiko handiak eman dira. Hala eta guztiz, gaur egun, oraindik ere, gure informazio genetikoan dauden aldaeren ehuneko txiki baten esanahi funtzionala baino ez dugu ezagutzen. Edozelan ere, zientziak genomikaren alorrean izandako aurrerapen horiek iraultza ekarri dute medikuntza modernora: posible egin dute osasun-arreta eraginkorragoa eta seguruagoa eskaintzea. myDNAmap-ek laguntza emango dizu oraindik ibili beharreko bide horretan zehar, eta zure genomari buruzko txostena eguneratuko du, azken aurkikuntza zientifikoekin.

Genomari buruzko datuen potentziala itzela dela jakinda, proiektu konplexu, handi baina egingarri bati ekin diogu, medikuak, genetika molekularrean espezialistak diren biologoak, biokimikariak, sistema-ingeniariak, sortzaileak, marketineko espezialistak, finantzariak eta komertzialak biltzen dituen diziplina anitzeko talde batekin.